Sinaruno ti 40 a minuto a panagipugso ti dapo iti napasamak nga explosive eruption ti bulang Kanlaon, maibasar iti monitoring ti Philippine Institute of Volcanology and Seismology (Phivolcs).
Segun iti report ita nga aldaw ti Phivolcs, dakkel a volume ti dapo iti inruar ti nadakamat a bulkan, kasaruno ti explosive eruption a nagpaut ti dua a minuto.
Impalagip ti ahensia iti publiko iti pangta ti ashfall a mabalin a mapasaran iti adu a lugar idiay Negros Island Region.
Agingga ita nga aldaw ket makita pay laeng iti nangato nga asuk manipud iti abut ti bulkan.
Mapattapatta a dumanon iti kangato a 2,000 a metro ken napakuyogan iti napigsa a panagsinaw. Dakkel a bulto ti asok iti dimmanon ti laud-abagatan-a laud a direksion.
Agtalinaed met nga aglablabbaga iti dakkel a paset ti bulkan.
Segun ti Phivolcs, agtaltalinaed iti pangta ti baro a panagbettak.###
