Maysa a F-35 fighter jet ti US Navy ti nagsuwek idiay central California idi rabii ti Miyerkules (oras idiay Estados Unidos).
Napasamak ti insidente agarop alas-6:30 ti rabii asideg ti Naval Air Station Lemoore, nasurok-kumurang 40 a milya ti abagatan-a-laud ti Fresno.
Napagammoan a ginandat ti eroplano nga ag-emergency landing sakbay a naan-anay a kinayamkam ti apoy. Dagos met a nagresponde iti lugar dagiti pulis, bumbero, ken rescue teams.
Nakalasat ti piloto kalpasan ti nasapa a panag-eject na sakbay a nagsuwek ti fighter jet. Naiturong daitoy iti ospital ken nakagun-od laeng kadagiti minor injuries bayat nga awan metten iti sabali pay a naapektaran iti insidente.
