Aprubadon ti Land Transportation Franchising and Regulatory Board (LTFRB) iti panangipatungpal ti taas-pasahe kadagiti pampubliko a transportasion partikular iti jeep ken bus gaputi agsasaruno a big-time oil price hike.
Segun ti LTFRB, siguradon iti panangipatungpal ti kanayunan a plete ngem maipasidong pay iti justification ti Department of Transportation (DOTr) no mano iti maipatungpal a fare hike.
Sakop ti fare hike dagiti amin a nangidatag ti petision ngem saan pay a mairaman dagiti taxi ken UV Express kalpasan a mangipasada met ti petision itay nabiit.
Inlawlawag ti ahensia, kasapulan pay daytoy a dumalan ken maipasidong kadagiti hearing ken nationwide consultation program sakbay a maaprobaran.
Kabayatanna, nakatuding met a maipadamag inton Martes, Marso 17 no mano iti ngumatuan ti plete kadagiti pampubliko a transportasion.###
