LA UNION – Naselebraran idi kalman, May 26, iti bulan dagiti mangngalap ken mannalon, wenno Farmers’ and Fisherfolk’s Month ti Department of Agriculture (DA).
Iti naiganwat a livestream activity ket pinasetan dagiti 16 a regional offices a pakairamanan ti DA Region One.
Maysa kadagiti nagbalin a highlight iti programa ket panang-padayaw iti sumagmamano a personalidad, partikular dagiti mannalon ken mangngalap, a nakaited ti napateg a kontribusyon iti panagtalon ken panagkalap.
Maysa kadagiti awardee ket ni Ferdinand Navarro, 2019 National Gawad Saka Winner, kas Most Oustanding High Value Crops Farmer.
Iti panagbetla ni DA Regional Executive Dir. Lucrecio Alviar, inallokoy na iti publiko a suportaran iti tarigagay ti gobyerno a mapadur-as ti food production para iti sufficient food supply ditoy pagilian nangruna ita a tiyempo ti pandemic.
Iti tema ti programa ita a tawen ket, “Pagpupugay sa mga magsasaka at mangingisda natin tungo sa sapat na pagkain”.
