Pinatibker ti Provincial Government of La Union (PGLU) ken Lokal a Gobierno (LGU) ti San Gabriel iti tarigagay para iti panagdur-as ti agrikultura.
Daytoy ket babaen ti maysa a ceremonial signing ti Deed of Usufruct idi Hulio 10, 2026 iti San Gabriel Municipal Hall.
Indauluan da Governor Mario Eduardo C. Ortega ken San Gabriel Mayor Lany B. Carbonell iti seremonya. Dimmar-ay met isuda Ex-Officio Board Member Ramon Guio “Ram” A. Ortega, San Gabriel Vice Mayor Ramolito A. Guinomma, Provincial General Services Officer Engr. Robert Lelina, Provincial Agriculturist Marcelo Otanes, sangguniang bayan members, ken dagiti municipal department head.
Inpaay ti PGLU iti LGU San Gabriel ti 1,613.43 square meters a paset ti provincial property idiay Brgy. Bucao a makaipasdekan ti San Gabriel Farmers Trading Center nga agbalin a sentro ti panagtagilako para kadagiti produkto ti agrikultura.
Agserbi ti proyekto kas kangrunaan a trading hub a mangpapartak iti produksion ken lako dagiti mannalon a mangnayon iti birok da.
Ipakpakita met ti proyekto iti panagtinnulong ti probinsia ken dagiti LGUs para iti lokal a panagdur-as iti sektor ti agrikultura.###
