LA UNION – Kinumpirma iti Bombo Radyo ni Barangay Kapitan Freddie Flores ti Barangay Tanqui, San Fernando City, La Union a na-hack iti fb account ken messenger daytoy idi Lunes, Mayo 3.
Sakbay a na-hack ti account na, inistorya ni Kapitan Flores a ti hacker ket nagpabigbig iti nagan a Janet Milanes.
Kiniddaw iti hacker kenkuana a mangipatulod iti walo a numero babaen iti SMS tapno makaala ti puntos iti Lazada.
Ngem idi naipatulod ni Flores iti nasao a walo a numero, kellaat metten a nagpukaw ti account daytoy.
Nagbalin a modus ti hacker a kiddawan ti gasut a balor ti load dagiti friends ni Kapitan Flores iti social media account daytoy, kangrunaan na kadagiti kapitan ditoy syudad.
Uray ni Bombo Jerry Vhal, station manager ti Bombo Radyo La Union ket kiniddawan na iti load, ngem saan a naikkan daytoy agsipudta naka-quarantine iti dayta a gundaway.
Ngem maysa a kalugaran ni Kapitan Flores iti nabiktima ti hacker kalpasan a linodan na daytoy iti pakabuklan a P300.00
Iti biktima ket ni Joana Rimando.
Kabayatanna, impanawagan ni Kapitan Flores a saan nan nga account iti nagan a Freddie Flores. Kinuna na a ti baro ken us-usaren na itan nga acCount ket iti sidong ti kumpleto a nagan na a Godofredo Flores.
