LA UNION – Pinatalgedan ni Barangay Chairperson Mercita Sulmarin ti Barangay Sevilla, San Fernando City, La Union a ‘fake news’ iti rimuar iti social media a facebook, a mabis-bisinen dagiti construction workers iti Robinson’s, kalpasan a naipasidong iti Enhanced Community Quarantine iti Luzon gaputi COVID-19.
iti maysa nga interview kenni Sulmarin, kinuna na a kadwa na iti maysa a local official a nagturong iti construction site tapno i-beripika ti nai-post iti facebook.
Dita a napaneknekan da nga awan kinapudno na iti naipadamag.
Kina-agpaysu na, iti naimatangan da ket bastante iti taraon dagiti nasao a workers.
Malaksid dayta, kinuna ni Sulmarin nga adda pay doktor dagitoy a mangkit-kita iti salun-at dagiti workers.
Inlawlawag pay ni Sulmarin nga ikag-kagumaan da nga ikkan ti Home Quarantine Pass (HQP) dagiti awanan pay iti nasao nga ID, kangrunaan na dagiti boarders iti Barangay Sevilla.
Nupay kasta kunana, gapu ngarud iti maipatpatungpal nga stay home ken social distancing maiyannurot iti ECQ, kasapolan a makontrol dagiti tao a rumwar, isunga saan amin a workers iti Robinson’s ket maikkan ti HQP.
