LA UNION – Kanselado iti mass wedding dagiti 42 couples a nakatuding koma a maiganwat ita nga aldaw ti Valentines Day, Pebrero 14, 2020 ditoy syudad ti San Fernando, La Union.
Daytoy iti kinumpirma iti Bombo Radyo La Union ni City Mayor Alf Ortega gapu iti pangta ti new coronavirus a maaw-awagan itan ti Covid-19.
Iti kanselasyon ti nasao a ganwat ket naibasar iti nagbalin a konsultasyon iti city health officer ken iti advisory ti Department of Health nga i-cancel pay laeng dagiti naduma-duma a gatherings and events, kas precautionary action iti sakit.
Gaputi dayta, nagdesisyon ni Mayor Ortega a bingayen laengen ti aldaw a panagkasar dagiti 42 couples.
Mangrugi inton Pebrero 18 ket kasaren na iti pito a couples, pito met inton Pebrero 19, 20 ken 24.
Malimitaran metten iti sumrek a bisita iti lobby ti mayor’s office, a pakaiganwatan ti seremonya.
