Nangaramid ti pakasaritaan ti Filipino-American a ni Autumn Durald Arkapaw, kalpasan a mangabak isuna ti Oscar para ti Best Cinematography iti pelikula a ”Sinners” iti 98th Academy Awards.
Isuna ti kaunaan a babai a nakagun-od ti nasao a pammadayaw para ti nadakamat a kategorya.
Iti nagbalin nga speech ni Autumn ket pinagyamananna iti direktor a ni Ryan Coogler ken dagiti amin a tao a nakatrabahona iti pelikula.
Malaksid ditoy ket pinagyamananna dagiti amin a babbai a naam-ammona iti Oscars ken iti amin a babbai iti intero a lubong.
Ni Autumn ket addan ti kapadasan iti cinematography kadagiti sumagmamano a pelikula kas iti The Last Showgirl (2024), Black Panther: Wakanda Forever (2022), ken Palo Alto (2013).
Ti pannangabakna ket maibilang kas inspirasion para kadagiti babbai iti industriya ti pelikula ken kadagiti Pilipino iti intero a lubong.###
