Target ni retired Filipino boxing champion Manny Pacquiao a makasango ni undefeated American boxer Shakur Stevenson iti maysa nga exhibition fight sakbay nga agleppas ti tawen.
Segun iti kampo ni Pacquiao, karaman iti nasao a laban kadagiti maad-adal a boxing event para iti sigud nga eight-division world champion kalpasan a maitantan iti plano a rematch kenni Floyd Mayweather Jr.
Ti 29-anyos a ni Stevenson ket addaan ti professional record a 25 wins, 11 knockouts, ken agdama a WBO junior welterweight champion. Naala na iti titulo kalpasan a maabak na ni Teofimo Lopez iti unanimous decision idi Enero 31, 2026 idiay New York.
Silver medalist met si Stevenson iti 2016 Rio Olympics.
Kabayatanna, addaan ti professional record ni Pacquiao a 62 a pannangabak, walo a pannakaabak, ken tallo a tabla, karaman ti 39 knockouts.###
