Maysa manen a fallen hero ti pimmusay gapu iti Corona Virus Desease wenno Covid 19 idiay Riyadh, Saudi Arabia.
Ti biktima ket nabigbig a ni Vladimir Morales, 47 anyos, residente ti Barangay Pagudpud, City of San Fernando, La Union.
Sakbay ti insidente, naipasidong pay ti biktima iti operasyon ti appendix na ken naalaan ti swab test idi May 29, 2020..
Rimmuar ti resulta a positive ti biktima iti makapatay a virus idi May 30.
Alas 11:00 ti bigat oras iti Pilipinas idi kalman idi maamuan ni Claire Apilado-Morales nga natayen iti asawa na kalpasan ti sumagmamano nga aldaw a panagtalinaed na iti Intensive Care Unit (ICU) iti pagagasan.
Iti agdama, agladladinget iti sibubukel a pamilysa iti pannakatay ti ay-ayatenda iti biag.
Ni Morales ket 30 tawenan nga xray technician iti maysa a pagagasan idiay pagilian a Riyahd.
