Nangisayangkat ti grupo a Filipinos Do Not Yield Movement iti lightning rally idi Hulio 24 iti Vicente Sotto Street idiay Siudad ti Pasay, asideg ti Philippine International Convention Center (PICC), kagiddan ti maudi nga aldaw ti 59th ASEAN Foreign Ministers’ Meeting.
Nagpanawagan ti grupo iti China a dumawat ti dispensa iti agtultuloy nga agresibo nga aramid da iti West Philippine Sea (WPS) ken respetuen ti 2016 Arbitral Award.
Nagawit dagiti nagprotesta kadagiti dadakkel a tarpaulin nga addaan ti panawagan nga idepensa iti West Philippine Sea, inpaganetegt dagiti karbengan ti Pilipinas, ken ramaen iti desision ti Permanent Court of Arbitration noong 2016.
Adda pay dagiti plakard a naglaon ti karikatura ni Chinese President Xi Jinping ken mensahe a saan nga isuko ti Pilipinas iti West Philippine Sea.
Ti addang ket naisayangkat sumagmamano nga aldaw kalpasan ti insidente idiay Ayungin Shoal, a nakadangranan ti maysa a kameng ti Philippine Navy kalpasan ti maipagarup a panangmalo kenkuana ti maysa a kameng ti China Coast Guard.
Kinondenar ti Department of Foreign Affairs ken Armed Forces of the Philippines ti nasao nga insidente ken inpaganetget a saan a maakseptar ti aniaman a kinaranggas kadagiti personnel ti Pilipinas.###
