Nangrugin a mangisuro ni First Lady Liza Araneta-Marcos iti baro a semestre kas mannursuro idiay West Visayas State University (WVSU), Iloilo City.
Segun iti post na ti social media, nangisuro isuna ti Civil Law Review idi damdamo a klase iti nasao a lugar.
Pagaammo a nangrugin a mangisuro ti First Lady kadagiti unibersidad idi pay 2022 kas idiay Far Eastern University, Northwestern University, Pamantasan ng Lungsod ng Maynila, Saint Louis University, ken Mariano Marcos State University.
