LA UNION – Naidatagen ti kaso a murder iti Prosecutor’s Office idiay Bauang, La Union maikontra iti fish vendor a nakapatay iti pada na met laeng nga aglak-lako ti lames idi Mayo 27, 2017 idiay Barangay Bagbag, Bauang, La Union.
Iti suspek ket managan Nestor Acosta, 42, addaan ti asawa, residente ti nasao met laeng a lugar bayat a ti biktima ket ni Wilfredo Balangue, residente ti Barangay Sta Lucia, Aringay, La Union.
Maipalagip a naideklara a dead-on-arrival iti Ilocos Training and Regional Medical Center (ITRMC) iti biktima kalpasan a nagsagaba ti multiple stab wounds.
Maipalagip pay a nagramot ti krimen gaputi nabara a panagsinnungbat dagiti dua gaputi timpuar a saan a panagkinnaawatan kabayatan ti panaginom dagitoy iti arak.
Naglibas iti suspek kalpasan ti insidente ngem natiliw met laeng kalpasan ti insayangkat a manhunt operation dagiti otoridad.
