Naitantan dagiti biahe ti eroplano, tren, ken barko gapu iti napigsa a tudo ken angin idiay New Zealand.
Malaksid ditoy ket naipasirra dagiti kalsada ken naawanan ti supply ti kuryente dagiti rinibo a residente.
Segun kenni Emergency New Zealand Assistant National Commander Ken Cooper, nasurok a kagudua kadagiti naawat nga 852 emergency calls ket manipud iti rehion ti Wellington.
Nagballaag met dagiti otoridad iti ad-adda pay a perdision gapu ti bagyo.
