Impaganetget ni Kamanggagawa Party-list Representative Eli San Fernando iti panangisayangkat ti komprehensibo nga audit kadagiti amin a pondo a naitukon kadagiti flood control projects kadagiti napalabas a sangapulo a tawen.
Binabalaw na a nu binilyon a pisos ti tinawen a pondo para kadagiti proyekto ti flood control ket apay a saan latta a mataming iti layus.
Kinuwestyon na iti Department of Public Works and Highways (DPWH) Secretary a ni Manuel Bonoan nu sadino iti pagturturongan na dagiti binilyon a pondo a rumbeng ket nakapamaysa iti panangtaming ti layos.
Indasig ni San Fernando iti tawen 2024 nu sadino ket P244.6B ti intukon iti DPWH para iti flood management bayat a ₱3.52B met iti napan iti Metropolitan Manila Development Authority (MMDA).
Napalaos iti pannakadismaya iti mamanday-linteg agsipud ta 53% laeng ti nakumpleto ti DPWH iti flood control projects da bayat a 38% met iti delay iti biang ti MMDA.
Nalawag para kenni San Fernando a palpak iti administrasyon ni Marcos kasta met iti DPWH iti panangresolbar kadagiti parikut iti panaglayos ken innayon na a nasken nga adda iti agsungbat iti daitoy a problema.
