BR LA UNION – Ni football star Cristiano Ronaldo iti naitandudo a highest paid athlete ti tawen 2024.
Maibasar iti datos ti Sportico, addaan iti $260 milyon a napastrekan idi napan a tawen.
Naggapo ti napastrekanna iti $215-M a suweldo ken napangabakan iti Al-Nassr idiay Saudi Arabia ken iti Portugal national team.
Nakaganar pay ti $45-M manipud kadagiti on-field endorsement na.
Idi napalabas a tawen, isuna ti kaunaan a tao a nakailista ti 900 career goals ken sipud immakar idiay Saudi Arabia, nakailistan daytoy ti 82 goals manipud iti 90 nga ay-ayam.
Maikadwa iti nasao a listaan ni NBA star Stephen Curry nga addaan ti estimate a $153.8 milyon a kita ken $53.8-M ket manipud iti suweldo ken napangabakanna bayat a $100-M ket nagtaud kadagiti endorsements.
Adda iti maikatlo a puwesto ni British boxer Tyson Fury nga addaan ti estimate a kita a $147-m ken $140-M ket nagtaud iti suweldo ken napangabakan bayat a $7-M manipud iti endorsements.
Maikapat a puwesto ni Lionel Messi nga addaan ti $135-M nga estimated a kita ken $60-M ditoy ket nagtaud iti suweldo ken napangabakan bayat a $75-M iti endorsement.
Adda met iti maika-lima a puwesto ni Los Angeles Lakers star LeBron James nga addaan ti estimate a $133-M ken $48.2-M ditoy ket manipud iti suweldo ken napangabakan bayat nga $85-M iti endorsement.
Ni Dallas Cowboys quarterback Dak Prescott iti rumrumuar a highest earning player ti NFL nga adda iti maika-12 a puwesto babaen ti napastrekanna a $100.4-M.
Saan met a karaman iti top 100 list dagiti babbai nga atleta.
