Nagpanawagan ti Joint Foreign Chambers of the Philippines (JFC) iti nalawlawag ken consistent a panangipatungpal dagiti alagaden iti buwis tapno mapapigsa iti investment climate ken competitiveness ti Pilipinas.
Impaganetget ti Joint Foreign Chambers iti tax certainty iti panangplano ti operasion, panag-istruktura ti transaksion ken panagdesision dagiti kompania nga agplanplano nga agpuonan iti pagilian.
Natalantan iti policy dialogue ti Joint Foreign Chambers iti Revenue Memorandum Circular No. 5-2024 maipapan iti tax treatment ti cross-border services, karaman iti dokumentasion, reporting, kontrata ken compliance requirements.
Inlawlawag met ti BIR iti Revenue Memorandum Circular No. 38-2024 a saan nga otomatiko a karaman ti withholding tax dagiti amin a cross-border services, gapu ta kasapulan a sukimaten iti service agreement ken talantanen no sadino ti pagtataudan ti napastrekan.
I-consolidate ti Joint Foreign Chambers dagiti isyu ken rekomendasion a naputar iti dialogue ken makitaripnong iti gobierno ken dadduma pay nga stakeholders tapno maitandudo iti nalawlawag a tax rules ken mapasayaat iti investment environment.###
