Bimmaba ti 17.8 percent iti foreign direct investment (FDI) ditoy pagilian iti umuna nga innem a bulan ti 2026, segun ti Bangko Sentral ng Pilipinas.
Dimmanon laeng ti 3.38 billion dollar iti net FDI manipud Enero agingga Hunyo, maiyarig iti 4.12 billion dollar iti kapada a panawen idi napalabas a tawen.
Karaman kadagiti rason iti panagbaba ti net investments iti debt instruments ken reinvested earnings dagiti gangganaet a kompania.
Kabayatanna, apagapaman a bimmawi iti FDI idi Hunyo, a ngimmato ti 35.1 percent year-on-year iti 447 million dollar.
Segun ti BSP, kangrunaan a nagtaudan ti equity capital placements iti umuna a semestre iti Japan, United States, ken Singapore, a naiturong iti manufacturing, financial and insurance activities, ken real estate.###
