BR LA UNION – Saan a makipaset ni sigud a presidente Rodrigo Duterte babaen ti video conference iti nakatuding a confirmation of charges hearing inton Pebrero 23, segun iti abogado na a ni Atty. Nicholas Kaufman.
Segun kenni Kaufman, maipagarop a saan met laeng a boluntaryo a dimmar-ay idi ti sigud a presidente babaen ti video link iti initial appearance.
Impaganetget na a kinedkedan ti kadawatan da nga itantan iti umuna a panagdengngeg tapnjo nakadar-ay isuna a personal ken maingato ti isyu ti legal competence ti sigud a presidente.
Nagkedked met ti lead counsel a sungbatan nu personal a sumango ti sigud a presidente wenno i-waive ti karbenganna a dumar-ay.
Maibasar iti abiso ti International Criminal Court (ICC), maisayangkat ti panagdengngeg, manipud alas-10 ti agsapa agingga alas-3 ti malem, oras idiay The Hague (wenno alas-5 ti malem agingga alas-10 ti rabii ditoy Pilipinas), iti Pre-Trial Chamber I.
Iti panagdengneg, maipaayan ti naituding nga oras iti prosekusyon, depensa, ken abogado dagiti biktima tapno ilanad iti argumento dagitoy.
Ranta ti confirmation hearing nga amwen nu adda naan-anay nga ebidensya tapno ituloy ti kaso iti Trial Chamber para iti naan-anay a panagusig.
Mapasarunwan pay daytoy iti panagdengngeg inton Pebrero 24, 26 ken 27.
