LA UNION – Sirragsak nga inyestorya iti Bombo Radyo La Union ni Geraldine Therese Lim, maysa kadagiti 12 finalist ti Bombo Music Festival (BMF) 2019, no kasano a napartuatna ti kanta a napaulwan iti “Ikaw na”.
Sigun kenni Geraldine a sigud nga overseases Filipino worker (oFw), iti napasaranna a pannubok iti biag kas iti pannakaappog ti negosyo gapu ti pananglimlimo iti kasusyo ken iti panangisina kenkuana iti ay-ayatenna ti nagbalin nga inspirasyon tapno mabukel ti nasao a kanta.
Idi unana, makangkangngeg daytoy iti tono ken iti naiyestoryana daytoy iti kabsatna.
Gimmatang met ti keyboard ti kabsat ni Geraldine kas regalo kenkuana tapno i-record ti mangmangngegna a tono.
Inyangaw pay a kinuna ni Geraldine nga iti laksid ti paglabsbasanna a parikot ket imbag laengen a saan a boses ti mangmangegna ken saan a boses.
Gapu iti daytoy ket rinugyanna nga ay-ayamen ti keyboard agingga a naaramidna ti nasao a kanta nga imbes a naliday dagiti balikas ket inaramidna daytoy a naragsak lalo ta nasarakanna ti nangpapitik manen iti pusona.
Arigna a saan met a makapamati ni Geraldine a karaman isuna kas finalist ti Bombo Music Festival gapu ta sigud ket saanna nga ammo iti agpatukar ti keyboard wenno agsurat ti kanta.
