SAN FERNANDO CITY, La Union – Nakatuding a maipaima kadagiti mannalon ti libre a ganagan wenno fertilizers a nagtaud manipud iti lokal a gobyerno ti syudad ti San Fernando, La Union.
Sigun kenni City Agriculture OIC Joan Pasca, 45 a farming barangays iti pakaiturongan kadagiti ganagan nga awaten nga umuna dagiti Punong Barangay ken Barangay Kagawad a Committee Chairman on Agriculture idiay San Fernando City Food Terminal a nakabase idiay Barangay Biday.
Dagiti nadakamat a barangay officials ti makaammon a mangiwaras kadagiti mannalon iti bukodda a lugar.
Kinuna pay ni Pasca, a ti lokal a gobyerno iti gimmatang kadagiti ganaga kas tulong kadagiti mannalon a mangpadur-as iti apit dagitoy.
No man pay makuna a naladaw iti panangibunong kadagiti fertilizer ket inlawlawag ti opisyal a nataktak iti nasao a distribusyon gapu ti agraraira nga election ban.
