LA UNION – Arestado iti maysa a front desk clerk idiay Barangay Urbiztondo, San Juan, La Union.
Daytoy kalpasan a natiliwan iti iligal a droga kabayatan ti insayangkat a buy bust operation dagiti otoridad.
Iti suspek ket nabigbig iti nagan a Jeff Warren Soriano, 23, baro, residente ti Barangay Dili, Bauang, La Union ken karaman iti drug watchlist dagiti otoridad.
Nakumpiskar kenkuana iti maysa a plastic sachet iti maipagarop a shabu ken 500 peso bill a buy bust money.
Maisag-sagana itan ti kaso a panaglabsing iti R.A. 9165 kontra iti nadakamat a suspek.
