Naipaayan ti tulong dagiti 515 a mannalon manipud iti nadumaduma nga ili ti segundo distrito ti La Union babaen ti Fuel Assistance to Farmers Project ti Department of Agriculture (DA).
Indauluan ni Engr. Dennis I. Tactac, OIC Executive Director ti DA Regional Field Office I iti panakaited dagiti fuel subsidy cards nga aggatad ti ₱3,000 tunggal maysa.
Adda pay iti nasao nga aktibidad da Second District Congressman Dante Sotelo Garcia ken KM Partylist Congressman Kenneth Paolo Tereng a nangipeksa ken nangipaay ti naan-anay a suporta para iti pagbiagan dagiti mannalon.
Panggep ti programa a makatulong a mapaglag-anan iti epekto ti panagngato ti presio dagiti produkto a petrolyo ken ilungalong ti panagaramat ti makinarya a mangapangato ti apit para iti panagbiag dagiti umili ken ti komunidad.###