LA UNION – Aw-awisen ita ti Police Regional Office (PRO)-1 dagiti amin nga interesado a makipaset iti iganwatda a “fun shoot for Marawi” ita a bulan.
Segun ken ni P/Supt. Jesus Ostrea III, silulukat ti nasao a shooting competition kadagiti amin a kayatda ti makikaykaysa.
Inlawlawagna a ti mapastrekan a kuarta manipud iti fund raising event ket mausar kas tulong kadagiti biktima ti agtultuloy a riribuk idiay Marawi ken ayuda kadagiti kakaduada a pulis ditoy rehion a maipatulod idiay Mindanao.
Maangay ti “fun shoot” idiay Camp Oscar Florendo, San Fernando City, La Union inton Hulyo 29 ken 30 ita a tawen.
