Nakalusot iti Senate Committee on Finance iti gakat a P7.7-bilyon budget ti Senado para iti Fiscal Year 2027, kagiddan ti gakat a pondo ti Senate Electoral Tribunal (SET) ken Commission on Appointments (CA), iti naisayangket a panagdengngeg idi kalman, Oktubre 22, 2026.
Iti budget presentation, inlanad ni Senate Secretary Renato Bantug Jr. iti gakat a pondo ti Senado, nga addaan tarigagay a mapagtalinaed iti nasayaat a serbisyo pang-linteg, mapapigsa iti sistema pang-institusyonal, mailungalong iti digital transformation, ken masiguro iti responsable a panangusar ti pondo ti ili.
Segun kenni Bantug, iti P7.7-bilyon a gakat a budget ket P187.5 milyon wenno 2.5 porsiyento a mas nangatngato kumpara iti net budget ti Senado idi 2026, ngem P863 milyon wenno 10.1 porsiyento a mas nababa kumpara iti 2026 General Appropriations Act (GAA).
Iti report ni Secretary Bantug, nakailista ti Senado ti 68 session days idi 2025, ken 1,694 a singasing linteg ken 313 a resolusyon ti naiadatag.
Iti pakabuklan, 197 a gakat iti napasingkedan wenno napag-balin a Republic Act iti nasao a tawen, kabilang dagiti addang para iti repormaiti gobyerno, fiscal autonomy ti hudikatura, digital governance, panangpalawa ti telecommunications connectivity, career progression dagiti mangisursuro ken school leaders, ken reporma iti right-of-way acquisition.
Manipud Enero agingga Hunyo 2026, nakaisayangkat ti Senado iti kanayunan a 33 session days ken nakailista ti 653 a gakat ken 249 a resolusyon.
Maibasar iti datos agingga Oktubre 15, 2026, 13 a gakat iti napagbalin a Republic Act, bayat a 16 iti naipatulod tapno aprubaran ti Presidente, innem iti nakapenpen iti Conference Committee, 38 iti naaprubaran iti maikatlo ken maudi a panagbasa ken 19 ti nakapenpen iti maikadwa a panagbasa.
Impadamag na pay nga awan iti audit suspensions, disallowances, wenno charges para iti nasao a fiscal year.
