Nakapamaysa iti atensyon dagiti basketball fans iti Game 3 ti NBA Finals iti nagbaetan ti New York Knicks ken San Antonio Spurs kalpasan a maala ti Knicks iti 2-0 a bentahe iti serye.
Naipangabak ti New York iti Game 2 ti iskor a 105-104 kalpasan a mapaay ni Victor Wembanyama a maiserrek iti game-winning jumper iti maudi a segundo.
Target ti Knicks a maiyasideg iti umuna a kampeonato sipud idi 1973 ken maisubli iti titulo idiay New York, bayat a mangnamnama met ti Spurs a makabangon iti serye ken maliklikan iti historikal a pannakapaay gapu ti pannakaabak iti umuna dua nga home games.
Segun kenni Knicks head coach Mike Brown, dakkel a tulbek iti balligi da iti natibker a pakinakem ken kinaibtur ti koponan iti naririgat a sitwasyon.
Kabayatanna, imbaga ni Wembanyama a kasapulan a masulit ti Spurs iti panagregget da ken maliklikan dagiti panagbiddut a nangigubuay ti pannakaibati iti serye.
Maangay iti Game 3 iti Madison Square Garden, ti umuna nga NBA Finals game idiay New York sipud idi 1999.
Ditoy Pilipinas, mai-ere daytoy inton bigat, Hunyo 9, iti oras nga alas-8:30.###
