LA UNION – Nagdesisyon iti maysa nga ina a saanen nga idatagan ti kaso iti anak na a nangbagsol ken nakapatay iti maysa met laeng nga anak na a lalaki idi rabii idiay Barangay Santiago Sur, Caba, La Union.
Dead on arrival idiay Caba District Hospital ti biktima a ni Dennis Garcia, 39-anyos kalpasan a bagsulen ti kabsat na a ni Joefre Garcia, 33 anyos.
Iti eksklusibo a pannakiuman ti Bombo Radyo La Union kenni Mrs. Margarita Garcia, ina iti agkabsat a suspek ken biktima, posible nga iti naariwawa nga uni ti radyo wenno panag-patukar ti suspek, iti nagtaudan ti rikkiar dagiti agkabsat.
Base iti istorya ni Garcia, agpada nga adda iti impluwensiya ti arak dagiti dua, idi mapasamak ti insidente.
Inaklon na pay a siguden nga adda susik wenno saan a panagkinna-awatan dagiti agkabsat.
Iti suspek ket awanan asawa ken kabbalay pay laeng ti ina na, kadwa da iti maika-innem ken buridek nga anak ni Garcia.
Iti met biktima ket karruba da laeng, addaan ti maysa nga anak, ngem maipagarop a pinanawan ti asawa na.
Maibasar iti impormasyon, binagsol ti suspek iti bukod na a kabsat agingga a natay daytoy.
Iti agdama, adda pay laeng iti kustodiya ti caba police station iti suspek para iti umno a disposisyon.
