Impaganetget ti Gatchalian bloc nga iti addang da tapno maaddaan ti panagbalbaliw iti liderato ti Senado ket maitunos kadagiti agraraira a precedent ken iti desision ti Korte Suprema iti kaso nga Avelino v. Cuenco, a nangbigbig iti bisa ti quorum iti tengnga ti saan a kumpleto a presensia dagiti miembro.
Maipalagip a nagbalin a basaran ti panagbalbaliw iti liderato ti Upper House iti tallo nga aldaw a panaglangan ti Cayetano bloc kadagiti nakatuding a sesyon gapuanan tapno ideklara a bakante dagiti amin a posisyon ti Senado.
Ti nasao a panagbalbaliw iti liderato ket binigbig ti House of Representatives ken ti Malacañang.
Nupay kasta, nainget a kinontra daytoy ti Cayetano bloc, a nangipapilit a kasapulan ti 13 a botos tapno ideklara a bakante dagiti posisyon iti Senado, maibasar iti pakabuklan a 24 a miembro daytoy. Karaman iti bilang ni Senado Jinggoy Estrada ken Senador Ronald “Bato” Dela Rosa, nga agpada a saan nga aktibo a nakadar-ay kadagiti sesion.
“Wala po silang 13. Kahit Grade 1, marunong magbilang. Kailangan ng 13. So wala ho silang authority gawin yung mga ginawa nila,” segun kenni Cayetano.
Kenuna met ti Partido Demokratiko Pilipino (PDP), a pinasetan da Dela Rosa, Bong Go, ken Senador Robin Padilla,
nakatuding da a mangipila ti petision iti Korte Suprema tapno i-kuestion iti legalidad ti napasamak a panagbalbaliw iti liderato.
Iti biang ti Malacañang, imbaga ni Communications Undersecretary Claire Castro nga adda ti karbengan ti Cayetano bloc nga idatag iti isyu iti Korte Suprema, ngem impaganetget daytoy nga addaanen ti precedent idi 2015 Senate session a nabigbig ti 12 quorum nga awan ti panagkontra iti Korte.###
