Ilunglungalong ni Senate President Win Gatchalian ti naisina a linteg kontra ti anti-nihilistic violent extremism wenno NVE tapno tamingen iti dumakdakkel nga online recruitment dagiti agtutubo iti violent extremism.
Segun kenni Gatchalian, maipagarop a maus-usar dagiti social media ken gaming applications tapno magun-od iti panagtalek dagiti menor de edad, i-groom, ken inton agangay, maparegtada nga agaramid iti naranggas a krimen.
Dinakamatna ti napaay a plano a panagraut iti maysa a pagadalan idiay Laguna a nakairamanan dagiti pito a menor de edad a nainaig iti online game a Roblox, kasta met ti napasamak a pammaltog iti maysa a pagadalan idaiy Tacloban no sadino a maysa kadagiti suspek ket maibagbaga a naimpluensiaan iti naranggas a sandbox game a GoreBox.
Iti hearing ti Senate Committee on Women, Children, Family Relations and Gender Equality, binigbig met ni Justice Undersecretary Nicholas Ty a saan nga umdas dagiti agdama a linteg a mangtaming iti online recruitment dagiti agtutubo iti naranggas nga extremism.
Mangnamnama ni Gatchalian a dagos a maitandudo ti nasao a gakat tapno malapdan ti online radicalization ken masalakniban dagiti agtutubo kontra iti kinaranggas.###
