Nagpanawagan ni Senate Committee on Finance Chairman Win Gatchalian iti Inter-Agency Council Against Trafficking a papigsaen iti online information ken awareness campaign kontra human trafficking, kangrunaan kadagiti agtutubo a Pilipino nga agbalbalin a biktima ti maidiay-diaya a peke a trabaho abroad.
Kiniddaw na nga ilawlawag ti ahensia no kasano a makatulong iti panagngato ti pondo tapno mapababa iti bilang dagiti kaso.
Insungbat ni IACAT Executive Director Atty. Hannah Lizette Manalili, mangnamnama iti opisinada kadagiti nadumaduma nga ahensia kas iti National Bureau of Investigation (NBI) ken Bureau of Immigration tapno mapapigsa iti operasion.
Mangisaysaykat iti cyber tip operations monitoring division ti Inter-Agency Council Against Trafficking ti online surveillance, saan laeng nga kadagiti kaso ti sexual abuse wenno exploitation dagiti ubbing, no di ket karaman pay dagiti peke nga job advertisements, ilegal a panagampon, ken panaglako ti maladaga.
Mangnamnama ni Gatchalian nga babaen iti tulong ti nangatngato a pondo ket mapalawa pay ti IACAT iti panaguras dagiti digital platform tapno madanon iti publiko ken malappedan iti human trafficking.###
