BR LA UNION – Naisayangkat idi kalman iti kaunaan a courtesy visit ti maysa a lider ti Philippine National Police (PNP) iti Commission on Human Rights (CHR).
Nagturong ni PNP Chief PGen. Nicolas Torre III iti Commission on Human Rights (CHR) bayat ti flag ceremony iti komisyon, ket isuna ti kaunaan a hepe ti Phil. National Police a simmarungkar iti opisina.
Ti panagbisita ti hepe iti komisyon ket gapu iti tarigagay na nga ilawlawag ti nagbalin a direktiba na mainaig iti bilang dagiti maaresto a kriminal dagiti pulis kas basaran iti performance ken tapno makagun-od iti promosyon.
Inulit ni Torre a ti trabaho dagiti pulis ket ti agtiliw kadagiti kriminal ken pagtalinaeden a natalna iti kalsada ditoy pagilian, nangruna kadagiti komunidad.
Kinuna na a dackel a banag iti nasao a panagbisita ti PNP iti komisyon agsipudta kayat da nga ipakita a makikaysada iti panangsalaknib ti karbengan pantao dagiti umili a Pilipino.
Nagyaman pay ti hepe iti komisyon iti kanayon a panangsubaybay da iti organisasyon tapno amin nga addang da ket maiyannurot ken saan a maikontra iti linteg, nangruna iti karbengan ti pantao.
Kabayatanna, binigbig ti CHR dagiti inisyatibo ni Torre ket inkari ti komisyon a suportaran ken makitinnulongda iti pannakaipatungpal ti warrantless arrest.
