Opisialen a simrek iti lubong ti panagarte iti lead vocalist ti Cup of Joe a ni Gian Bernardino kalpasan a nagperma ti kontra iti Viva Artists Agency ken Viva Films.
Inlawlawag ni Gian a saan a kaipapanan daytoy nga agsolo isuna iti musika wenno marakraken iti Cup of Joe, no di ket paset laeng ti panangpalawa ti artistry na.
Nabayagen nga arapaap ni Gian iti panagarte, a nangrugi pay idi dimmakkel isuna idiay Qatar kadua ti ina-na.
Sakbay ti baro a career move daytoy, nagtrabaho met isunan kadagiti sumagmamano a pelikula, serye ken music video, malaksid iti panagbalin a direktor iti music video ti “Sandali” ti Cup of Joe.
Kabayatanna, agtaltalinaed nga aktibo ti Cup of Joe, a buklen da Gian Bernardino, Raphaell Ridao, Gabriel Fernandez, CJ Fernandez, ken Xen Gareza.###
