Nakumpleton iti 12-man lineup ti Gilas Pilipinas para iti panangidepensa daytoy iti balitok a medalya iti 20th Asian Games idiay Aichi-Nagoya, Japan.
Insukat ni Head Coach Tim Cone ni Calvin Oftana kas 12th man, kasukat ni Justin Brownlee. Segun kenni Cone, pamilyaren ni Oftana iti sistema ti Gilas ken napartak daytoy a maka-adjust gapu iti immunan a kapadasan daytoy iti national team.
Ni Oftana iti kakaisuna a miembro ti agdama a lineup a paset ti Gilas squad a nakagun-od ti gold medal iti 2023 Asian Games idiay Hangzhou, China.
Kaduana iti lineup da RJ Abarrientos, Jerrick Ahanmisi, Justin Arana, Justine Baltazar, Sedrick Barefield, Brandon Bates, Robert Bolick, Brandon Ganuelas-Rosser, Zavier Lucero, Adrian Nocum, ken Don Trollano.
Umuna a sumabak iti Gilas kontra Bahrain inton bigat, Setiembre 11, iti Group C.###
