Sumango iti naing-inget a karit iti Gilas Pilipinas iti Aichi-Nagoya Asian Games idiay Japan kasaruno iti panangdepensa iti balitok a medalya da iti 2023 Hangzhou Asian Games, segun kenni Gilas player Chris Newsome.
Sangwen ti Pilipinas iti powerhouse China iti Group C, kadua iti Bahrain ken Kazakhstan. Kenuna ni Newsome a sigurado a pagsaganaan ti China iti koponan da kalpasan ti dakkel a comeback victory ti Gilas kontra iti host nation.
Innayon na pay a kasapulan nga agbalin a nakasagana iti Gilas iti pressure gapu ta defending champion daytoy ken agbalin a sentro ti atension dagiti karibal.
Kabayatanna, manamnaman a sabali a lineup iti buklen ni Head Coach Tim Cone para iti Asian Games, a posible a puro PBA players gapo ta saan pay a bakante dagiti sumagmamano a players nga adda idiay Japan ken South Korea.
Karaman kadagiti baro a nagan iti pool da Adrian Nocum, Don Trollano, Jerrick Ahanmisi, Sedrick Barefield, ken Zavier Lucero.
Sakbay iti Asian Games, sumango iti Gilas iti Jordan ken Iran iti FIBA World Cup Asian Qualifiers ita a weekend.###
