Nagbalin a naisangsangayan iti pannangabak ti Gilas Pilipinas Women iti FIBA 3×3 Women’s World Cup, kalpasan a nangabak da iti World Number 11 nga Italy babaen ti iskor a 17-13 iti ay-ayam a naangay idiay Warsaw, Poland.
Immuna a natnag iti torneo iti Gilas Women kalpasan nga abaken isuda ti China.
Indauluan ni Camille Clarin iti pannangabak a nakailista ti walo a puntos, dua a rebounds bayat nga addaan ti 4 points ken 2 rebounds ni Afril Bernardino.
Nalpasen iti kampanya da nga addaan ti maysa a panangabak ken tallo a pannakaabak, ken nagleppas da iti maikapat a puesto iti Pool C ti torneo.###
