Dagos a nagballigi iti Gilas Pilipinas Women iti umuna a labanda iti 20th Asian Games, kalpasan nga inabak da iti Kazakhstan babaen ti iskor nga 86-58, iti ay-ayam a naangay iti Aichi International Arena idiay Nagoya, Japan idi kalman, Setiembre 17.
Indaulo ni Elizabeth Means iti Gilas debut-na kalpasan a makailista ti 23 a puntos ken uppat a rebounds, bayat a nagnayon ni Stefanie Berberabe ti 11 a puntos, walo nga assists ken uppat a rebounds.
Dimmanon iti 36 a puntos iti kadakkelan a lamang ti Pilipinas, 76-40, iti panagleppas ti third quarter.
Sumaruno a sangwen ti Gilas Women iti Hong Kong inton Domingo, Setiembre 20, alas-nuebe ti bigat, oras ditoy Pilipinas.
Maysa pay a pannangabak iti kasapulan ti koponan tapno masiguro a makastrekda iti quarterfinals.###
