LA UNION – Agpanpanawagan ti Police Regional Office-1 (PRO-1) kadagiti motorcycle riders a makipaset iti proyektoda a “Ride for Marawi” a maangay inton aldaw ti Dominggo, August 20, 2017.
Sigun kenni Supt. Jesus Ostrea III ti PRO-1, panggep ti nasao a proyekto a makaur-or iti pondo tapno maited kas tulong para iti rehabilitation program ti syudad ti Marawi nga apektado iti gubat iti baetan ti gobyerno ken terorista.
Nasurok a 300 motorcycle riders kinunana iti makipaset ken namnamaen a manayunan pay daytoy inton aldaw ti pannakipatungpal ti nasao a proyekto.
Aggigiddan a likmuten dagiti riders iti syudad ti San Fernando ken ti ili ti San Juan, La Union.
