Imbaba ti gobierno iti infrastructure spending program para inton 2027, kasaruno ti nair-irut a panagsukimat kadagiti public works project ken panagusar ti pondo kalpasan iti kontrobersiya iti flood control.
Maibasar iti fiscal projections ti gobierno, nababbaba iti nakatuding nga infrastructure spending iti 2027 maiyarig iti immuna a target, bayat nga ilunglungalong iti naan-annad a panaggastos iti kangitingitan ti panagkapsut ti ekonomiya.
Kabayatanna, insubmitir ni Presidente Ferdinand Marcos Jr. iti Kongreso ti ₱7.2 trillion proposed budget para inton tawen 2027, nga innem a porsiento a nangatngato maiyarig iti 2026 budget.
Rimmang-ay laeng ti 2.3% iti ekonomiya ti pagilian iti maikadua a quarter ti 2026, kabuntogan a quarterly growth sipud idi 2021, a maikonkonektar iti panagkapsot ti construction activity ken domestic demand.
Panggep ti naisingasing a budget a suportaran iti panagsubli ti economic growth bayat nga maitultuloy iti panaggastos kadagiti proyekto a maibilang a napateg iti pangdur-as ti pagilian.###
