Inlawlawag ni Hon. Mario Ortega iti pagannurutan maipapan ti pannangipaay ti Multi Purpose Vehicles kadagiti Munisipyo ti Probinsiya iti La Union.
Idi kalman personal nga naipaima kadagiti lima nga ili dagiti Multi Purpose Vehicles.
Maipalagip a daytoy nga ganuat ket maysa nga naputar a linteg babaen iti Nasyonal a pagannurutan.
Panggep iti pannangipaay iti multi purpose vehicles kadagiti ili a mas mapapartak pay iti transportasyon nu kaspangarigan kasapulan iti emerhensiya dagiti umili.
Iti agdama adda pay iti lima nga ili a haan pay a naipaayan iti multi purpose vehicles ken kalikagom iti Provincial Government of La Union a maipaay daytoy ti mas naparpardas a panawen.
Impaganetget iti nasao a opisyal a daytoy nga behikulo ket kangrunaan nga kasapulan dagiti umili nangruna dagiti nasusulinek nga ili iti nasao a probinsiya.
Segun iti opisyal, agsasabali iti aminities a maidiaya daytoy a lugan depende iti kasapulan dagiti umili.
Iti sabali nga bangir, impasigurado ti opisyal a daytoy a ganuat ket agtultuloy para iti pagsayaatam iti kaelyukanos.
Kabayatanna, impaganetget na a iti serbisyo publiko ket dumanon iti sapasap a probinsiya. (Report by Bombo Danico)
