LA UNION – Mapadpadaananen iti probinsia ti La Union ti panagawid ti gold medalist a senior high school student kalpasan a nagballigi iti nakisalipanna nga international arts competition idiay Nagoya, Japan idi napan a lawas.
Gold medalist ni Allan Lloyd Lopez, grade 12 student ti Don Eulogio De Guzman Memorial National High School idiay ili ti Bauang, La Union kalpasan a nangabak ti mixed media arts piece daytoy a napauluan iti “Science With a Heart.”
Inabak ti obra ni Lopez dagiti dadduma pay a paintings manipud iti 115 entries manipud kadagiti 15 pagilian iti Artwork Category ti International Exhibition for Young Inventors (IEYI) 2017.
Ni Allan ket maysa laeng kadagiti pito a Pilipino a nakipaset iti nasao a pasalip idiay Japan.
