LA UNION – Dead on arrival idiay ospital ti maysa a grade 9 pupil kalpasan a maipagarup a nakuryente daytoy idiay Barangay Cabaritan Sur, ili ti Naguilian, La Union.
Nabigbig ti biktima a ni Adrian Maglaya, 14, residente iti nasao a lugar.
Base iti impormasyon a nakalap ti Bombo Radyo manipud iti Naguilian Police, maipagarup a nasarakan laengen ti managan Allen Cabigas ti nadakamat nga ubing a nakadasay iti igid ti kalsada ken ti kable iti kuryente iti abay ti bagi daytoy.
Dagus a naiturong iti ospital ti biktima ngem saan a nabaelan ti doktor nga isalbar pay iti biagna.
