Maysa a Grade 9 student iti natiliwan ti nasurok-kumurang 30 a gramo ni mapapati a shabu a mapatta-patta nga agbalor ti ₱204,000 kalpasan iti security inspection iti maysa a pampubliko a pagadalan idiay Bacolod City.
Segun ti pulisia, naipasidongen iti protective custody iti menor de edad ken idi agangay ket naiyakar iti Bacolod City Social Development Center bayat nga agtultuloy iti imbestigasion.
Segun ti pulisia, nadiskubre ti school security guard iti mapapati nga iligal a droga iti uneg ti bag ti estudyante iti naisayangkat nga inspeksion iti pagadalan.
Nainget met a pinaglibakan ti ina ti estuyante a karaman iti anak na iti ilegal a droga.
Maysa kadagiti makitkita nga anggulo ti pulisya iti posibilidad a nausar wenno na-exploit iti menor de edad babaen dagiti karaman iti ilegal na droga, bayat nga am-ammuen pay laeng no kasano a naiserrek iti uneg ti pagadalan iti mapapati a shabu ken no sino iti posible nga addaan ti nagbasulan.###
