Suportado ti grupo dagiti negosyante iti inaramid nga addang ti gobierno tapno makaala ti alternatibo a supply ti langis ken sumagmamano a wagas kas sungbat iti krisis a mapadpadasan idiay Middle East.
Segun ti nagtipon a waragawag dagiti grupo a Philippine Chamber of Commerce and Industry, Management Association of the Philippines, Federation of Philippine Industries, Federation of Filipino-Chinese Chambers of Commerce and Industry, ken Makati Business Club, iti panagngato ti presyo ti produkto a langis ket maibilang a seryoso a pangta iti ekonomiya ken pagsayaatan dagiti gumatgatang.
Imbinglayda met dagiti addang a rumbeng nga aramiden ti gobyerno idi nagpaayab ti panagtaripnong ni Finance Secretary Frederick Go, kas iti government-to-government procurement deals kadagiti nontraditional partners kas iti Russia, India, ken Indonesia.
Mangnamnama iti grupo a makaaramid dagus ti addang iti gobierno tapno mapalag-anan iti rigat a mapaspasaran dagiti umuli.###
