Nagpanawagan ti Mayors for Good Governance kenni Presidente Ferdinand Marcos Junior a naganan dagiti korap a politiko ken kontratista nga adda iti likudan dagiti palpak nga imprastraktura ti gobierno, nagruna kadagiti flood controls.
Ti grupo a buklen da Mayor Benjamin Magalong ti ciudad ti Baguio, Mayor Vico Sotto ti ciudad ti Pasig, Mayor Joy Belmonte ti ciudad ti Quezon City, ken Mayor Sitti Hataman ti ciudad ti Isabela ket nagkuna a nabayagen a panawen nga adda iti korapsyon kadagitoy a proyekto ken kasapulanen nga adda iti agsungbat.
‘Flood control projects have existed for decades, but over the past years, corruption in these projects has become more alarming, pervasive, and systematic’
‘Those who have stolen public funds must face the full force of the law. Once proven guilty, politicians and bureaucrats must not only be removed from office, but also prosecuted and jailed’
Kiniddaw da iti Department of Public Works and Highways (DPWH) ken kadagiti dadduma pay nga ahensya nga iruar dagiti dokumento ken nagnagan dagiti politiko kasta met dagiti kontratista a nagnumar ti nasurok P100B a pondo.
Nabiit pay a naammoan babaen ti panangibutaktak ni Presidente Marcos a dagiti proyekto ket nagturong laeng kadagiti 15 a kontratista manipud tawen 2022 agingga 2025.
Madanagan la unayen ti Presidente iti kaledad dagiti nasao a proyekto, kas kadagiti nadadael a flood barrier idiay Calumpit, Bulacan a napalaos a nakadismayaan na.
Mainaig iti daitoy ket imbatad ni Mayor Magalong a nakasagana isuna nga ag-volunteer nga agbalin a paset ti independent body nu laketdi isuna iti agpili kadagiti agbalin nga imbestigador a mangbukel iti lupon.
