LA UNION – Agtultuloy iti isaysayangkat nga imbestigasyon ti pulisya iti guest ti maysa a resort idiay Barangay Ili Sur, ili ti San Juan, La Union.
Nabigbig ti suspek a ni William Tangilag Jr., 31, school driver ti Mountain Province State Polytechnic College, ken residente ti Barangay Samoki, Bontoc, Mountain Province.
Naammuan ti Bombo Radyo manipud iti San Juan Police, maipagarup a naalarma dagiti mangmangged ti nasao a resort gapu iti panagbitbit ti paltog ti suspek iti arubayanda.
Babaen ti panagresponde dagiti pulis a kaddua ti security guard ti nasao a pasdek ket inalikadda iti kwarto nga ab-abangan ti suspek kasaruno iti pannakadiskobre ti nadakamat a paltog.
Maysa a cal. 9mm a paltog ken dagiti bala daytoy iti nakompiskar iti pulisya manipud ti suspek.
Agtaltalinaed iti kuerpo ti pulisya ti suspek kabayatan a maur-uray iti resulta ti imbestigasyon no addaan ti maiyanatop a dokumento daytoy nga agikot iti igam.
