Nakaawat ti baro a rice combine harvester manipud iti Philippine Center for Postharvest Development and Mechanization (PhilMech) ti Guinguinabang Farmers Association idi kallabes idiay Barangay Guinguinabang, San Juan, La Union kas paset ti modernisasion iti sektor ti agrikultura.
Naisayangkat ti Municipal Agriculture Office ti San Juan iti pormal a turnover dagiti makinaria a naipaay babaen ti Rice Competitiveness Enhancement Fund (RCEF), maysa a programa ti gobierno nga addan panggep a mangpaado iti productivity ken competitiveness dagiti local rice farmers.
Segun ti Municipal Agriculture Office, manamnama a makatulong iti makinaria a mangpaado iti efficiency ti panagapit, mangkissay iti gastos iti panagtrabaho, ken manglapped iti dakkel a panakalugi.
Impeksa iti liderato ti Guinguinabang Farmers Association iti panagyaman iti naawatda a tulong a mangipaay ti dakkel a panagbalbaliw kadagiti panagtalon.
Innayon da pay, agserbi daytoy kas “game changer” a mangpapigsa iti agricultural mechanization dagiti mannalon iti laksid dagiti karit iti sektor ti agrikultura.
