LA UNION – Umaboten iti 29 nga indibiduwal iti Region 1 iti tiniliw dagiti otoridad gaputi panaglabsing iti Comelec gun ban, sipud naipatungpal daytoy idi Enero a-9 agingga ti agdama.
Adda metten iti pakabuklan a 16 short firearms iti nakumpiskar manipud iti uppat a probinsiya ditoy rehiyon kabilang iti La Union.
Iti naisayangkat a press conference, imbaga ni P/B Gen. Emmanuel Peralta, Regional Director ti PRO-1, dua nga ili ditoy La Union iti nadetermina ti nabukel nga evaluation team kas ‘areas of concern’.
Dagitoy ket iti ili a Balaoan ken Agoo.
Innayon pay ni Peralta, a nag-deploy dan ti kanayunan a puwersa kadagiti nasao a lugar nga agbantay iti seguridad ken maliklikan ti anyaman a kinadamsak nga adda pakainaigan na iti umadanin nga eleksiyon.
