Natayen ti mapapati a kasabwat ti gunman iti pannakapapatay ti broadcaster a ni Percy Lapid idi naiserbi ti arrest warrant kenkuana.
Nabigbig ti mapapati a kasabwat a ni alias Orly. Naipadamag nga agrenrenta daytoy iti kuarto kadwa ti pamiliana sadiay Lipa City, Batangas, idi sinarungkaran dagiti otoridad.
Segun kenni Police Major General Jose Melencio Nartatez Jr., nagkedked ti suspek nga agsurrender iti katengngaan ti panagraut isu a nagpaputok dagiti operatiba.
Kinapudnona, kinuna ni Nartatez, hinostage na pay ti live-in partnerna ken ti anakna ngem iti kamaudiananna, napan ni Orly iti banio ken pinaltoganna ti bagina.
Segun iti polis, kinasarita ni Orly ti simmuko a gunman a ni Joel Escorial mainaig iti plano a mangpapatay ken ni Lapid ket dakkel koma ti naitulong ti testimonia daytoy iti panagdur-as ti kaso.
Nabigbig dagiti polis ni Orly a ni Jake Mendoza, 40-anyos, naaresto ken naibalud idi Nobiembre 2020 gapu iti illegal a droga.
