Napukawan ti panggedan dagiti rinibu a mangmangged idiay Iran gapo iti agtultuloy a gyera da kontra Estados Unidos ken Israel a nangrugi idi Pebrero 28, 2026.
Napilitan dagiti adu nga industriya manipud pabrika, workshop, ken service projects nga isardeng wenno kissayan ti operasyon da a nagresulta ti nalawa a panangikkat kadagiti contract workers ken day laborers.
Nakaro nga naapektaran dagiti kangrunaan a sektor ti ekonomiya a kas kadagiti petrochemical plant sadiay Mahshahr ken South Pars, agraman dagiti metal facilities. Mapatta-patta a nasurok 30k nga empleyado iti petrochemical industry dagiti naawanan wenno naikkat iti trabaho.
Malaksid kadayta ket rinibu metlaeng a freelancers, programmers, ken content producers dagiti napukawan ti pagbiagan gapo iti naipatungpal nga internet blackout idi pay Pebrero 28.
Nagsuwekti produksyon idiay Iran ken manamnama a bumassit ti ekonomiya da ti nasurok laengen a 10% bayat a ti pakabuklan a perdisyon ti gyera ket dumanonen ti ginasut a bilyon a dolyar.
